Alima nung sen timba aazükba celebrity ji Taylor Swift

Los Angeles, July 12 (Agencies) : 2016 nung sen timba agütsüba celebrity ji kentener Taylor Swift lir ta Forbes ajanga metetdaktsü.

Forbes-i annual Celebrity 100 list sayaba nung arishi küm 26 tain Taylor tematiba menden nung lir. June 2015 nung June 2016 tsüngda lai $170 million aazük, ta aceshowbiz.com osang ajanga metetdaktsü.

Taylor-i sen teimbaka la indang 1989 tour nung aazük aser iba ajanga rock band Rolling Stones-i North American touring record ajangteta liasü.

Taylor Swift-isa Apple, Diet Coke aser Keds atema advertisement balala ajanga sen aika aazük. Yaküm Forbes tarensen nung la menden 8 buba nung liasü.

Taküm lai One Direction (No.2 with $110 million), Kevin Hart (No.6 with $87.5 million), Howard Stern (No.7 with $85 million) aser Adele (No.9 with $80.5 million) nunger ajangtet.

Taylor-isa la indang taoba tetong Calvin Harris menden 21 buba nung $63 million aser kentener Katy Perry menden 63 buba nung $41 million ajatetogo.

Taylor aser Calvin na mepilai ali asübo, tenati Beyonce Knowles aser Jay-Z nati aazükba $107.5 million den timba süa sen timba aazükba couple süla.