Alima nung sen timba aazükba film ji Spectre

Los Angeles, November 02 (Agencies): Tesüsaba James Bond film, ‘Spectre’-i alima shilem nung taoba hopta tatemlen sen timba aazükogo.

Sam Mendes-i direct süa yangluba Spectre film taoba hopta tatembanglen alima tesem balala nung sayuba sülen dollar sen 80,400,000 tashi aazükogo ta Rentrak osangi metetdaktsü.

24 buba James Bond film, Spectre nung Hollywood actor, Daniel Craig-i Britain nunger itangiter, 007 ama maneni tongti shilem agia lir.

Craig den külemi, Italy actress, Monica Bellucci aser France actress, Lea Seydoux natia iba film nung tongti shilem agiogo.

Spectre film sülen anidak, ‘Hotel Transylvania 2’ film-i dollar sen 39,430,000 aazüka taoba hopta tatembang sen timba aazüker tanabuba film aküm.

Ano, Matt Damon-i tongti shilem agiba film, ‘The Martian’-i dollar 28,400,000 tashi aazükteta temaba jenjang toktsür tsünglangleni jenjang 2 tashi lua tasembuba jenjang nung aliba osanga jangjaogo.

Taoba hopta tatemlen Worldwide Box Office jenjang nung Top 10 anguba film tarensen:

1. Spectre – $80,400,000M
2. Hotel Transylvania 2 – $39,430,000M
3. The Martian – $28,400,000M
4. The Last Witch Hunter – $23,350,000M
5. The Witness – $18,690,000M
6. Goosebumps – $17,310,000M
7. Paranormal Activity: Ghost Dimension – $16,950,000M
8. Bridge Of Spies – $11,460,000M
9. Ant-Man – $11,148,000M
10. Crimson Peak – $8,404,640M