Alima nung taküm alir rongnung tambutisangji Israel Kristal

March 11, 2016 nü Guinness World Records-i Israel nunger Israel Kristal alima nung taküm alir rongnung tambutisang ta tenüng jaloktsüogo.
Kristal ya September 15, 1903 nü Poland nung Zarnow jila anasa aso. Par tsüraburji Moszek-Dawid aser Brucha Krystztal na liasü aser pai World War anaprong ajangtet aser 1940s mapang Nazi war camp Auschwitz nungi taküm mesamai kümzük aser iba sülen Israel nung oa ali.
March 11, 2016 nü Kristal küm 112 anogo 178 buba nung Guinness World Records’ Head of Records Marco Frigatti-i Haifa, Israel nung pa nem iba kulikaket agütsü.