Alima nung tambutisang

Tang tashi nung Japan nunger arishi küm 112 tain Yasutaro Koide alima nung tambutisang ta ‘Guinness World Records’ ajanga tawatu metetdaktsüogo.

Yasutaro ya Nagoya Koide yimti, central Japan nung alir aser kodang iba osang ya angashi kinünger aser temeket yimti nung alirtem ajak kanga pelatep.

Taküm July ita tashi Tokyo yimti nungi Sakari Momoi, shiba arishi küm 112 tashi alima nung tambuti süa aru, iba sülen Mr Koide-i ibaji melenzüker.

Koide-i tang tashi tenük aina magii osang kaket kanga junga züngtetter aser pai amtsük (bread) ya kanga sapua achir. Koide, March 13, 1903 küm aso aser pa tanur asüdang nungi sü arrer ka lir.