Alima nung tobur tajungtiba jenjang 3buba nung Hrithik Roshan lir

New Delhi, November 25 (Agencies): Hindi cinema/Bollywood nung ‘Greek tsüngrem’ ta tenüng jalokja alisang, Hrithik Roshan ya alima nung tebur tobur tajungtiba jenjang asembuba nung lir ta official sangdong ka ajanga metetdaktsüogo.
Actor, Hrithik Roshan tobur kanga ajungba ajanga pa sapurtem aika lir, aser tan iba osang ya ajanga ano pa sapur jenti akümtsü.
Worldstopmost.Com ajanga online poll ka agiba ajanga, arishi küm 42 actor Hrithik alima nung tebur tobur tajungtiba jenjang asembuba nung lir ta sangdong.
Iba poll nung pai Hollywood nung nüngtugu actor, Brad Pitt aser Johnny Depp na madak jenjang tajungba angu.
‘Most Handsome Faces in the World’ 2016-17 mezüngbuba jenjang nung Tom Cruise lir aser tabanuba jenjang nung Robert Pattinson lir. Tena sülen tasembuba jenjang nung Hrithik lir. Ano Bollywood nungisa superstar, Salman Khan-a iba tarensen nung jenjang 7buba nung lir.
Iba tarensen nung Hrithik-i Johnny Depp, Tom Hiddleston, Omar Borkan Al Gala, Salman Khan, Brad Pitt, Hugh Jackman aser Billy Unger nunger madak jenjang tajungba ngutet.
Hrithik sülen pezübuba, pongububa aser trokbuba jenjang nung Johnny Deep, Tom Hiddleton aser Omar Borkan Al Gala lir. Maneni tenetbuba, tibuba, tekububa aserterbuba jenjang nung Salman Khan, Brad Pitt, Hugh Jackman aser Billy Unger nunger lir.
Hrithik indang taruba film ji Sanjay Gupta-i direct asüba ‘Kaabil’ lir, kong Yami Gautam-ia pa den tongti shilem agitsü.