Nagaland nung Metsüremi 16-17 nung tzünglu sashia arutsü: IMD

New Delhi, Metsüremi 15 (Agencies): Northeast India, talisa Nagaland aser temekettem nung tzünglu sashia arutsü, ta osang ka ajanga metetdaktsü.
Indian Meteorological Department, Climate Monitoring & Analysis group nung Head Director, A K Srivastava-i, Bay of Bengal nungi NE states tsütsüleni mopung tai aonba ajanga azüklen kilometer 16 tashi mepet agi sübanga tzünglu sashia arutsü, ta metetdaktsü.
Paisa, Metsüremi 16-17 anogotem nung Assam, Megalaya, Nagaland, Manipur, Mizoram aser Tripura state tem tesem aika nung tzünglu sashia aruba den mopung aontsü, aser Metsüremi 17 tashi tesem aika nung maneni tzünglu arutsü, ta metetdaktsü.
Ano West Bengal, Sikkim, Odisha, Jharkhand, Bihar, coastal Andhra, Telangana, Rayalaseema, Tamil Nadu aser Karnataka state tem nunga tsüngsak mopung alitsü, ta kasa osang ajanga metetdaktsü.
India North-West tsütsü aliba state kar dak alaka India tesem aika nung mepet sübanga alitsü, aser linük nung tanga tesem kar nunga tzünglu arutsü, ta IMD ajangasa metetdaktsü.