Alima rangben nung ‘Dilwale’ film-i sen crore 365 aatetogo

Mumbai, January 23, 2016 : Bollywood superstar Shah Rukh Khan-i shilem agiba “Dilwale” film ajanga bendanglen nungi sen million 25.6 aateta lir. Romantic action comedy movie ya ajanga alima rangben sentepa sen crore 365 aatetogo.
Rohit Shetty-i direct asüba film ya Singapore, South Africa, Netherlands, Malaysia, West Indies aser Jordan linüktem nungi sen timtiba aatetba film lir, ta SRK’er Red Chillies Entertainment Pvt Ltd-i metetdaktsü.
Chillies Entertainment Pvt Ltd-isa, UAE aser Gulf Cooperation Council (GCC) linüktem Peru, Kuwait, Indonesia, Egypt aser Morocco dena bendanglen nungi sen timba aaba rongnung tanabuba jenjang tongtetba film ji ibai lir, ta ashi.
Germany, Austria, Switzerland aser Pakistan linüktem nunga iba film sayu tenzüker mezüng hopta nung sen kanga aatsüogo.
Pakistan aser Australia nung “Dilwale” film ajanga sen dollar million ana dak tema aatet aser ashiba agi iba film sen paikaji aatetba film rongnung iba film ya tasembuba lir. Ano Australia nung SRK film ajanga sen million dollar ka aatetbaji tan ya mezüng lir.
Britain nunga kasa film yagi anogo pongu nung sen pound  million ka aateta liasü.
Shah Rukh-i shilem agiba film ajanga bendanglen sen timtiba aatetbaji “Dilwale” film ya lir, ta Chillies Entertainment Pvt Ltd-isa sangdong ka ajanga metetdaktsü.
Tang tashi nung film ter ser trok-iang bendanglen sen million dollar 10 aateta lir. Item film rongnung SRK-i shilem agiba film 9 lir.
“Diwale” film nung nüburtem ajaki reprangnüa aliba ama SRK aser Kajol nati shilem agia lir aser Sanjay Leela-i yangluba “Bajirao Mastani” film den külemi December 18, 2015 nü saya.