Alima rangpen tenüngsang -T.Ken 103:1-12

“O Kü nela, Kibuba moajang” (t.1). Ken züluri kija takümi Tsüngrem ajaba o i ken lapok. Tsüngremi kechi inyak aser Paji shiba iba asoshi Pai Tsüngrem tenüng asang. Iba ken nung Tsüngremji tesüngmangtsü ta asenoki angutsü.
Paji taochi Kümtetdakba lir (t.8-12). Tsüngrem taochi agi asen dak malangba agütsür aser Pai aochi nung asen dak alangba Pai magütsür. Saka Pa temeshi ain adokba lir, aser asenoki metetta temenen menara asenoki Pa marütsütsüla.
Pa taochi Tebu lir (t. 13-18). Kechiba Tsüngremi taochi sayur? Kechiaser aria bilemtsü aser meimtsü Pa yimya lir. Pa temulungsentsü tanük lir kechiaser asenok ali agi yanglu ta Pai metet. Asenok tashi mait. Asenok naro ama ken dang alir aser yakta azülar aser asür.
Tsüngremi meimba asenoki agizükbaji asenoki Pa tenüng asangtsüla aser tashi angatsüla.
Alima rangpeni Pa tenüng asangtsü tetemsü (t.19-22). Jungkai Adokba kaket nung alima ajunga nung Pa tenüng asangba ayim sünga aoba angur.
Kechiba asenoki Pa tenüng asanger? Kechiaser Pa chuba menden kümzüka lir. Asenok Pa tenüng asanger kechiaser asenoki pa ozüngtem ayutsü akok, Pa tenzüker aser peladaktsür. Asenoki Pa tenüng asanger kechiaser Pa mapatem tesüngmangtsü, aser Pai idakji asenok shilem ka asütsü mela.
Ken ji tetenzükba O agi atem- kija jenjang nung. “Kibuba sangang, O kü nela.” Ken züluri ashiba anidaka Tsüngrem tenüng sangang kechiaser Pa tesüngmangtsü tenüngtem lir.