Alima Tensa Den Apet Kaket

– Mr. I. Supong, Dimapur.

Nisung tain kati tebang o agi LKG tanuri jembiba jilushitsü kanga tasak. Zülutsüsa tasakba asütsü südi. Saka iba oshi nung Wb. P. Alem Jamir-i tawa omeki lenrü kaket ka ‘Mamatetba Küm Tatem School Benjong’ sayaba nung Benjamin aser Retuuf na sensaksemba otsü lir.

Tanü putu tensa electronic media, mapang telatet makai amshitepba wara ajanga kaket shisatsü bushiba nung tetsükdak adokdaktsüba tongpang ka lir. Item nungi jenbua alitsü shisa kangasa kaa zülutetogo.

Iba kaket ya menurang adoker ta bilemer. Zülua alibatem ya shitak inyaktetra tanurji kodaser majungtsü. Shiri nendaka züngdir, parnoki moa! Kaket nung keta aliba aika rongnungi item onüktem nung telangzüba ngua pelar.

a) Mobile phone kisung asayaa lira nisungbaji kechi tiai aitsü aser kechi mesüka akümtsü?

b) Anojungi tanur nem mobile amoktsüra kechi asütsü? Tanur nem Mobile koda amshidaktsü nung ajungtsü?

c) Medemer tajung ngutetba temoatsü kechisa ? Kaket züngertemi shimang! etc.

Item dak alaka Smartphone ya headmaster kümdaktsür tanur den jembiba aser tarutsü tia (Future)-ji nisung kümdaktsür Benjamin den jembiba angudang jangraatemer. kaket ya kanga shisa kaa züluogo.