Alimai India dang tamang akar : Modi

Singapore, November 24 (Agencies) : Tanü-asüng alimai India dak temulung lema repranger, ta Mongulbarnü Prime Minister Narendra Modi-i ashi.
Singapore yimti nung India nunger 15,000 shi adenshia alidak o jembidang Modi-i “Tanü alimai India dak tamang akar” ta ashi.
Tanü alima India dak tamang katetbaji Modi ajanga masü saka bendanglen aliba India nunger ajanga lir. Nenok oa aliba linük ajak nung nenoki kanga junga litetba ajanga iba ya tongtet, ta Modi-isa shisem.
Singapore tenzüksang asür Lee Kuan Yew tenüng sanga jembidang, India-i Singapore dak nungi angazüktsüla, ta paisa shisem.
India nunger merükmeju melii talangka lia aruogo, saka tang tajung kaji India nung aliba nübortem linük temerük nung alitsü telemtetba agiogo. Asenoki Singapore nung merükmeju angazüktsüla, ta Modi-isa ashi.