Alimai Kofi Annan mang ayimer

Geneva, Luroi (August) 18 (Agencies): Honibarnü taoba United Nations Secretary General aser Nobel Peace Prize angur Kofi Annan asüba sülen alima nung lennirtemi pa mangyimba osang lemsateper.
Tang teinyakdak UN Secretary General, Antonio Guterres-i Kofi Annan asüba atema jashiba metetdaktsü aser “pa ya tajung atema len aniba tashi ka liasü” ta ashi.
“Lenmang aisü nung Kofi Annan ya United Nations liasü” ta paisa shisem.
“Nisung aika ama, Kofi Annan ji kü medemer tajung ka aser tesayur ka liasü ta ni nüma tanga ashir” ta Antonio Guterres-isa metetdaktsü.
UN high commissioner for human rights Zeid Ra’ad Al Hussein-ia pa temung raksaba metetdaktsü.
“Kofi ya meyirjang aika atema medemer ka aser million aika atema lennir ka liasü. Meimchir kar shingai memelenzüktettsüsa lir, Kofi Annan-a parnok rongnung dena lir” ta Al Hussein-i ashi.
Ghana Tir Nana Akufo-Addo-i hopta ka asür Kofi mangyimtsü ta osang metetdaktsü. Iba mapang Ghana aser linük balala nung diplomatic missions ajak nung linük wako tom nung ayutsü ta pai ashi.
(Maneni tapak 12 nung…)