All India Railway Boxing Championship tembangogo

Maligaon, September 19 (TYO): Maligaon Railway Indoor Stadium nung anogo pezü tashi 72buba teburtem aser 11buba tetsürtem All India Railway Boxing Championship asayamung Hombarnü tembangogo.
Iba asayamung tatembang sentong nung N F Railway indang General Manager Chahatey Ram-i tetsürtem asaya akoker North Western Railway aser teburtem asaya akoker Northern Railway nem sempet agütsü.
Arjuna award angur Monoj Kumar aser Mandeep Jangra na den international jenjang nung asayar tebur 18 aser tetsür 9 densema iba Championship nung boxer 140-i shilem agi.
Women Championship team event nung North Western Railway-i N F Railway madak takok nguteta points 17 angu. N F Railway nungi gold pezü aser sliver ka nguteta points 16 angu.
Men’s event nung Northern Railway telok temaba jenjang angu aser Central Railway tanabuba jenjang ngutet.
Iba asayamung nung N F Railway tetsürtem rongnungi Minu Basumatary, Runi Gogoi, Nomita Kacharia aser Bhagyabati Kachari nungeri gold medal angu aser Jahnabi Gogoi-i silver medal angu.