All Nagaland Ad-hoc Teachers-i lungkak aittsü

Dimapur, Aami (June) 8 (TYO): All Nagaland Ad-hoc Teachers pur Aami (June) 8, 2018 nü sanen luden senden ka amendang Aami (June) 11, 2018 nung lungkak aitba shilem tasembuba tenzüktsü telemtetba agi.
Nagaland sorkari ANAGT takhangba atema telangzüba magütsüra lungkak aitba shilem tasembuba tenzüktsü aser ibaji clas-i maotsü. Anungji state tesem balala nung aliba züngsem ajaki iba sentong atema renema atatsü metetdaktsür, ta ANAGT 2015 Batch Tir Rüguotsolie aser Tongti Tezülur Tosoyol Sothu nati sangdong ka nung metetdaktsü.