All Nagaland Kung Fu Association-i tenüngsang agütsür

Dimapur, April 18 (TYO) : Indian Kung Fu Federation-i All Nagaland Kung Fu Association (ANKFA) nungi züngsem ana nem National Referee Certificate agütsü, ta ANKFA sangdong ka nung metetdaktsü.

April 13-15, 2016 tashi Imphal, Manipur nung 3 buba National Judges, Referees & Coaches Seminar alidang Bendangakum aser Waluniba na nem National Referee Certificate agütsü, ta ANKFA tongti tezülur, Temsuyanger-i sangdong nung shia lir.

May 8-10, 2016 tashi Shevgaon, Maharashtra nung 14 buba National Championships alidang Bendangakum aser Waluniba nati senior & junior categories nung ketdangser ama shilem agitsü.

Imphal nung sentong alidangsa Bendangakum nem 2nd Dan Black Belt aser Waluniba nem Black Belt agütsü. Grandmaster M.Sarat Singh, Grandmaster Ramananda Singh aser S. Kishan Singh nungertemi tena tendanga belt agütsü. Iba asoshi ANKFA-i tena nem tenüngsang agütsür, ta Temsuyanger-isa metetdaktsü.