All Nagaland Small Tea Growers Association-i training ka ayonger

Changtongya (Mokokchung), Luroi/August 16 (TYO): All Nagaland Small Tea Growers Association den külemi Tea Board Of India-i state nung süngo lu ayimtsü jangrartem atema Organic Tea Plantation training hopta ka ayongzüka katsütsü, ta tanü All Nagaland Small Tea Growers Association Tir, Shami Angh-i sangdong ka ajanga ametetdaktsü.
Organic Tea Plantation training ji Ronjui/September ita nung Toklai, Assam nung ayongzüka akatsü aser Nagaland nungi nisung 30-i dang Registration agitettsü, aser chiyungtsü den tanendakji Tea Board of India Jorhat-i agutsütsü, ta paisa metetdaktsü.
Iba training nung adentsü jangrartemi All Nagaland Small Tea Growers Association Tir, Shami Angh den phone number 9436004005 ajanga tongteprateptsü akok. Registration ji mezüngpur tama agitsütsü.