Alokba dang lanur kati mangatetba asüngdanger

Lanur : Oko Alok, asen Aortem osangtajung ken kaket tasenba melenshiba agi tekolok ajak yasa-a mangmangseta ali nung ano tanü asüng ka nungi Tir Yimyim osang kaket nung oshi tasen ka Antajijet ta Tepzünoa ta Tsüklai Rongnüa ta oshi tasen ka ya agi benjaba agi joko Tir Yimyim osang kaket azüngtsüba ya saktsünütsüang atur tesempatsü ka oda yabo Azüngken medenba nung Longbu mejaktetba ama ya kechi oshi ta onok lanurtemibo kanga ratar aja!

Alokba : Lanur tajung, iba oshi tasen ka ya agi nenok lanurtem dang masü, onok taintemsa terataba ako! Saka ya ano tera dang ako, ano asen Aor porapujir tashir jenti lir nung koda? Ano iba sülenibo asen Ao oshi tarokba, tarokba Anchanu, Molokmotok ta Mejangtempanga ta Süpiti, Amar, Akbar, ta item oshi ajak ya agi Ao oshi ajak melena aotsü purapujur tashir aika lir. Saka lanurtem na! Iba dang ya ANü TALUI TSüK PUDAK AMA ta asen Aori jembir. Aser Oh! Tir Yimyim, na akhi ama nü yimyim nung kecha terata mali azüngtsüsa onoki aginer, anungji nü yimyim tajung nung Longpu ya indokang no!!!

Lilir : SMS