Alokba dang Lilir-i asüngdang

Lilir : “Per-ji züksettsüla saka per dak azükba ajokji-bo mesükdangtsüla” Iba o tetezü ya khen jungjunga rateta shiangjo… ???
Alokba : Ena Per ya temekongtsü aser tetsübutsü shiruru ka ta ajaki metet, anungji perji ajururbo kechisüdir süaka tepsettsüla. Ajok-ji asen len aniba, tashimait menokdakteti alidang tashi agütsüba, anungji ajokjibo mesükdangtsüsa kümdanga azüktsüla….. Iba tetezüji asen lokti nung inyakyim shidak inyakdi ta asüdang lokti ka teti asoshi tarak keta telongjem raksatsüsa-ka ajurur…. Anungji iba amala tensa tia ajurudangji lenir-i kanga shisa ka-a telemtetba agitsüla.
Lilir : Sürabang ano ka asüngdangdi…. “Sü-po aadang sü-rem shisa” ta jembiba tetezü ya-a khen jungjunga rateta shiangjo….???
Alokba : Ena akhi asen tsürabur mapang tanü putu amai aben- süoshi aika maka Süpo sü aser Sürem sü anaji dang apen-a aru, aser sürem süji süpo sü dang nungi jenjang tuluba, kechiba ta süra sürem süji osak o semki nung seter mapang agia küra-bo nung sor külenang osak nungji aremer. Anungji jenjang tilaba oset ka mechi jenjang tuluba raksa-a teintok ta ashirba…. Tetezü asen kibong nung aser loktiliba nung ken o tila ka mechi asen kibong & lokti raksatsüsa meshisadangi teinyakma no… ta shinürba adii…

Lilir : L.Kika Pongener, Aoyimkum, Dimapur.