Alokba hopta ka lir sahaba dangi odanger

Alokba – Ho…hoeh…! Sahaba koi, ni hoptaka lir arutsü ta ashibato arurako ajak tic-tac renemja lir südi?
Sahaba – Aya…ah, temba Alok oda ken arema ata liangkoto ya. Ni ano asen lima atemasa khuret ka bener kazür ako ya. Light transformer tasen ishika amenok nungang asen limaya kodak lima amai akümtsüba, tawa transformer ishika repairing sür amenokba tobo talangkabo magitettsüba, joko public temi atakba ya mangashiner taja.
Alokba – Nungja Sirba na aji atemabo khenyongi taritebja, Light transformer tasen amenok nung kodasür kodak lima amai akümtsüba. Temenenpur lima light agi kodasür melenshitsüba ano auer ang tasüng akümtsü adi. Bill bo temeshipur ishika aliba yagiang tiratsüba temenenpurtembo ano taliang ngasangatemteptsü ati. Nibo nai nangzükba to ashishi aruba akodi koda.
Sahaba – eesh…sh.. Temba Alok alima kara ainba aki onoka aki amatobo sademsadema melitettsa kümogoja ya.
Alokba – Waah…ma.. Sirba naya kechi jembirbaji alima ainba isaab jiang sadema alitsü ato kara shiang ni matateter-ar.
Sahaba – Junga anga liang… ena joko Sorkar-i taila mapa inyakertem, backdoor nungi shimer ajak nokdangtsü meji Website lapoktsüogoja.
Alokba – Aaya..ah.. Sahaba naya kechi yiaraji ni nü dang Frontdoor nungi danga ta ashirbakodi, na ajia lidino nai makoktsübo public dang kecha menangzüktsüba ato dangara ni amaji südar. Nai ni Aloka ta bilemer-ana Sahlah!
                                                     Lilir – e-mail