Alokba-i kaketshirtem mungdang nung tongtipang onük ana sangoktsür

Kaketshir : Tulur Alok, onoki ne dang onük asüngdangdi, mezüngbuba onükji asen taküm nung liyonga aodang anogo shia chiyongtsü koba achi nung meputeper?
Alok : Nenok mapang shia senden alidang tepela aser tajungshi o dang alinungbo shisaliok ajungabo mangutsü. Anungji khen khenbo yamala onük yasa asüngdangangma. Kanga pelar. Nenoki asüngdangbaji ni tadongi shidi.
       No. 1 Azü shih chir matsüklashi machitsü.
       No. 2 Azüi ngor sülena matsüklashi machitsü.
       No. 3 Nashih shi chir pongalashi (alishi) temeremla machitsü.
       No. 4 Elis ango chir külen Padak entsü machitsü.
      No. 5 Tatsük mapang nung mongmong chir akhoni chira, taoba mapang Japan lima Tsunami aruba amato nenok temang nung arulanglang.
    No. 6 Aonsotsü ajak nung tangpo inoka asotsü aser chiyongzükli-a iba ya terakabosa menaktsula.
    No. 7 Tatem nung kanga dang tongtipang ka shidi. Nenok ajaki pei-pei kidang mesüra mashi tesem kar nung chiyonga ajemdang, chiyongtsü ajakji ne tango agi apudoker chia jemra, amo agi ashitsü aliba mesüra miim tera alibabo ajak kaditsü. Asen meimchir tango nungia miim kaditsü tashi lir ta alemli Otsüla Oboula nungeri shia aruba tongtipang ta bilemang aser kodanga tamadok.
Kaketshir : Kanga dang pelar. Tanabubaji asüngdangi, chiyongtsü kar, tatishitsü agi itsük isü aser itsü item ya mashi mongpu mapang nung achitsü angur. Süra chiyongtsü mashi ka mongpu shia chinüdang ngua achitsü asoshi tasa ka shiang ?
Alok : Nenoki ashiba ama chiyongtsü tapu asempronglaji zü kolak nungi adokba chiyungtsütem dang lir, Anungji nenoki mashi mongpu mapang nung zülem sü, zümeten sü, mesüra züsem sü chinüra züchi oang aser zü kolakji tekep mesadoki dang mica nung seper mopong maitsüsa jung-junga alener, ali tor rema yura, mashi mapang nung nenoki chinüdang agiteta achitsü. Nenoki yamaji inyaker shidak süra nenok ajaki zü kolakji tenet-net yong nung rür kü nem agüjangma.
Kaketshir : Kanga dang pelar. Zuchi-i aotsü mongpu ado ya. Inyakdangdima
Alok : Ni ang tepelaba. Tebang dang mesüi mapaji inyakdangangma.
                                 Lilir : A. Maong Aier, Alongmen ward Mkg