Alokba-i Sarasademer

Temeim Kibur Tsüngrem, Mapang tajung asoshi Nü tenüng asanger.
Temeim Kibur, tanü ni nü dang ozü Naga lima nüburtem tia aser libaliro asoshi nü dang mepishir.
Kibuba, oda tangar India lima nungbo Maggi company nung inyakertemi aibelena inyakba puteta adianutsür Madhuri aser ozü adianu Amitabh Bachchan tenadi company-i yimli bilema nünati Maggi ya ken advertise süjang ni! ta asüngdangba tashi angaa ken shilem tila ka agitsü nung tenati yangluba-a masü nung idakji dena taia ta tonglokja tena anema ken o benoka jempiteber masü no!
Oh Kibuba, saka tanü ozü Naga lima nungbo Tulurtemi nübur indang rongsen paika ya auya ochi mashie agiaka iba ya tai, ta puteta bushiba mali pei sünütsüsa liaka odang toktsür, Oda kari-i puteta yabo tim masü ta ashi nung iba anema nokdakerji, ozü Naga lima ya tai meputetba lima ka kümogo ni!
Temeim Kibur, ano ni nü dang ya mepishir, oda na alima-i tanaben marui aliba mapang tatsüka danga ozü Naga nungertem Assam ajanga ainlen senzü dang Adivasi Kolir tem tsübuba agi joko ozü Naga nungertem tenarong dang masü saka kou-a ajak meronger senzütepba ya Nai lenmang tajung ka danga yaktasa lapokjang ta ni mepishir. Tatem nung nai mulungba ama süang ta ashi yonga nai mulungaka ozü Naga nunger tulurtemibosa memulungtsüji tanübo Kibuba, ni nai mulungba ama süang ta meshiteter noh. AMEN
                                                              Lilir : I. MerenLemtur, Tzüdikong Town.