Alokba IAS atema tebang o nung tatidang agütsür

Timsür : Alok ne dang tasüngdangba 4 asüngdangtsü. Nai 2 danga langzütetra nai ajangtetogo ta bilemang.
Q. No. 1 : Tsüngremi alima nung kechisarena ajak yanglu. Anungji Pai ajak angur. Saka shiruru katibo kodanga anüng menudang. Süra aji kechi shiruru?
Alok : Ak-ibo pa taküm alidang kodanga anüng mengudang. Saka pa tasünü dang anüngji ngur asür.
Q. No. 2 : Tzü o Mi na raratep nung kobai akoktsü?
Alok : Dena rong nung nütsüng teimba mesüra tuluba kati akoktsü.
Timsür : Süra tejangja kuli ka ka shiang.
Alok : Mitsüktsüjang ka nung mi jangroya aliba to tzü jamos kati remseptettsü. Saka ki tulu ka rongya aliba tu tzü jamos ka agidangbo meremseptettsü.
Q. No. 3 : Tatem anogo nung Yisu mepet langpang nung mener arudang, Pa koba lima nung tama tetsüng ajemoktsü amai bilemer.
Alok : Naga lima nung tama tetsüng ajemoktsü.
Timsür : Süra tejangja kuli ka danga shiang.
Alok : Asenoki mapang shia Nagaland for Christ, Nagaland for Dry state ta ayimdener. Anungji Pai aji angashiaya alitsüji iba ama lima nungji ang Pa tetsüng ajemoktsü adi.
Q. No. 4 : Naga nunger ajak tenüng agibo Khrista dang. Anungji Nagaland for Christ ta asüba yabo temetet dang. Sürabang Dry State tetezü kuli ka danga shiang?
Alok : Mapang shia tesem balala nung tata load junga yi rongdoker. Ajak rongdokmadokba agi dry state ta ajar adi.
Timsür : Tasüngdangba ajak kuli tabensa shia langzüogo. Kanga pelar. Na tanü nungi dry state nung IAS inyakang.
Alok : Sir, nibo ‘IBA ATAKATEM STATE’ (IAS) nungbo meinyakner!!!!
Timser : Ohhhhh!! Alokba
                                     Lilir : A. Maong Aier, Alongmen Ward, Mkg.