Alokba Interview Agütsür Ne TenÜng shiba?

Alokba : Kü tenüng Alokba.
Board : Alok nai süngyanglu tulu ka nung tenük tulu, tenarong tulu, tebang tulu aser teka tulu den tetsüng tulu dener aliba ya tsübur metsübur?
Alokba : Parnok tenük liaka mangur, tenarong liaka mangashir, tebang temeli liaka mejembir, aji teka agi yangluba teka mapa dang, anungji ni aji metsübur.
Board : Süra nai mojing rongnung tulutiba Lucifer tsübur metsübur?
Alokba : Ni mojing rongung tulutiba Lucifer metsübur, kechiaser ni pa kodanga mungudang.
Board : Sura nai Tsüngrem tsübur metsübur?
Alokba : Ni Tsüngrem tsübur, kechiaser Pai ni meimer.
Board : Süra ano nai tsübuba kar shiang
Alokba : Ni tsübuba aika lir saka kar:
(i) Ni rice cooker nung chi soruya lia chi mamendang light aotsü tsübur
(ii) Ni work charge servant ka dang, anungji küm shia April ita arua 24% katitsüba tsübur.
(iii) Ozü ki lenküpoklen lir, aonung ni mejanga lia tzünglu tulu arua anentsü alua ozü ki anenbangtsü tsübur.
(iv) Yipru tesashi arua ozü tin pak ki tejen kaji raksatsütsü tsübur
(v) Ni T.V nung movie ka repranga lia movie ji matem dang light aotsü tsübur
(vi) Ni tamanger tajung ka, saka ni sür molumi-i aotsü tsübur
(vii)Ni sentsütsür taküm, anungji ita sen ngur sentsü meshi-i arutsü tsübur.
Ano kar lir ajibo meshiner.
Board : Nai aji meshira na dang interview agütsüba ya amajok asütsü.
Alokba : Süra, ni yamai meranga interview agüjaka tangarang kar appoint asütsü tsübur.
Board : Oh! Alokba koda temeimtsü.
                                                             Lilir : M.T. Chuba Lkr, Mokokchung.