Alokba kinungtsü-i senji kechi koma’ar tenük agi mengudang

Warakla : Hai Narola tebu… ni ne longpant shidoktsürba sernung ne pocket nung kaket paikati aleper semoka liasü aja… reprangangjo ya kechi kaket paikati…!!!???
Alokba : Tuuufffaaiii…. na tekolok meshidak akümer masü sudi-do…??? Nai ano tang tashi sen note memetet ??? aji sen merijang ana note, noklang pongu note, noklang note aser sen tenem note ado… yiar…tamaji… takidak maka tetsür…
Warakla : Waaammaaa…!!! iba ya kaket masü sen note asüa na…!!! Ni küla ya kechi kaket paikati ta-ser tera agidang mimong nung inoker merongdok-a aji… ayyyeee…ajisuaka oda ashir tang ashi, ana kibong kümer ano tanu tashi nai kü nem senpak ka danga mamoktsüdangji, ni senji kodaser metettsü… chi sorotsü atema jang-a nai tik-tak atakzüka yutsür… aonbo nung metsü mersu inoktsüa tik-tak atakzüka yutsür…shinu-mamatsü-a nai atakzüka yutsürji ni kecha tebilemtsü maka … oda jangbong nunga dala tuluka agi shibanga ayurji, ashi-auer tsübutsü kecha nungdak mali… ayyyaaaa oda Tsüngremi-a kü nem kinungbur tajung ka moatsüogo nii ta pelar adii…..
Kidanger : Hai temba Alok…asen kinungtsüri sen o kaket na aiteptsüsa asenok tebur malitsüla ako…oda ashir tang ashi jangotsü, metsü-mertsü, shinu-mamatsü itemla tashi nungjibo par-a kibur sudakjangma….. aser sen yanglur yagi sen ya tetsür o tebur ajaki amshitettsüsa yanglu ako…. anungji asen kinungtsür nem-a sen terarabosa agütsütsüla aser bazaar-ia khen kenbo yoktsüla adii….

Lilir : L.Kika Pongener, Aoyimküm, Dimapur.