Alokba lokti ajak nung kibur süner

Sungjemba : Ohoi Alok saab, ni na ama saab nunger dang asüyonga o ka shidi.. na lokti ajunga nung den-nür aser na dang kibur süner ta asüba yimya yabo melenshiang noo…
Alokba : Ayaaa !!! na amala mamoli nisung kati kü dang kodaser ibala o-ji shiteter… Ni ama tashitemeteter nisung kodaser lokti nung madentsüba aser tanishir masütsüba… Ni maden nung loktiji bener otetdi ma ??? Yamala oji-bo kodanga tejembi noo… Nenoki ni sayutsüngiba ama sütettsü asu ? Ni sarasademba amai sütettsü asü? Ni tajungshi o jembiba amai shitettsü asü? Ni ya kong lidir liaka taliba tesem ajak nung tanishir & lenir tekolak tang ataa aruba nisung ako… ni shia metetba ama shingaia meteta mali… kü den tasaya noo…
Sungjemba : Ena saab-ba… na ken-o jembitsü tetangshi, tesangra,tsüngro tasong, oda onsara abensa, aser wainshin-a temetet. Ano aji dang masü nai sentep nung sarasadem dang yabo Kodak tsüngrular-temjia senzüka alutsüsa oda onsara nangrara-ka sarasademteter… aser nai lokti nung o jembira oda kangasa bangso-banglema nalok-naraa jembiteter aser nai teti nai alep,nai atsüng,nai inyak,nai jembi,nai akok,nai tang metet ta-sa jembir… Sürabangla tangaribo kecha memetet asü koda…??? Tsürabur shin o ka nung tebo külen agibo shi menguzüker ta jembir ako… Na kechi komala ka tashitemeteter asüyongjia tangar den jangyu medema melitetra tagidak maka aser tatongokdak makaba nisung küma-adoktsü. Anungji tangar den putepa alitsü merangangma noo….

Lilir : L. Kika Pongener, Aoyimküm, Dimapur.