Alokba o Kiyonger na Moral Science indang jembir

Kiyonger : Sir, na Moral Science nung doctorate anguba atema kanga pelar ta ashitsü arurako. Saka na ya kechiba yamai mepelai sayur, langka timtem kar ali asü ?
Alokba : Ni Moral Science nung Doctorate angubaji tanga agi masü ni tepor majungba agi kecha meinprong makai zünga atuba agi angu adi. Aser ni mepelabaji osangkaket nung Alokba nem tenungsang agütsür ta aika anguba agi mepelar, kechiaser kü temoatsü mashilenir aor ta bilemer.
Kiyonger : Ari! Tenüngsang agütsür ta angu nung mepelar. Aser temoatsü mashileni aor ta ya kechi tetezü ?
Alokba : Ina ni shiti, Doctorate anguba atema 1) Watsü telok 2) Tambu semchir 3) 5) tanubo semchir. 4) Lanuwa züngar 5) Külem bazaar nung amener telok 6) Supangba semchir 7) Yimdong kazür telok 8) Amitsür telongjem, item teloki tenüngsang agütsür ta kü den salemi arua teka nung envolep kaka agütsür masü paper nungang agütsürji aji agi temoatsü mashileni aor ta ashirba adi. Kanga pelar ta asübaji paper nung masü kü dang ashi nungbo ni ita ishika jang alitsüato. Saka kiyongerbo kü dang kanga pelar ta kidangi arurji kanga pelar adi.
Kiyonger : Aya onoka tenüngsang agütsür ta paper nung nü noksa dena adoktsüba noksa ka tabeni arurba dangako.
Alokba : Aya! Nenok kü den teka nung langka bener salemtsü aru masü kü noksa bener tangar nem temoatsü agütsütsü aruana! Taküm teachers day nung award angur nem tenüngsang agütsür ta osangkaket nung adokba sangküm 2016 September 5 nü nunga madokmatsüsa lirji, kü noksa bener toma.
Kiyonger : Oh! Alokba.
                                                  Lilir : Imo Longkümer, Dimapur