ALOKBA O PAR JABASO NA SENSAKSEMER

Jabaso    :     Tanü-asüng paper osang nung BUSHI SÜNGDANGTSÜ aser PURAPITET ta züngshir. Iba tetezü kechi?
Alok    :          Bushia or asüngdangba agi bushi süngdangtsü ta ajar, aser ano purar apitetba agi purapitet ta ajar adi.
Jabaso    :    Kechiba polung ta ajar?
Alok    :          Polungji taju asü tapak?
Jabaso    :     Polungji tajua masü, tapaka masü saka tepolung.
Alok    :          Iba jagi polung ta ajar adi.
Jabaso    :     Akhi mapang nenok class one-two azüngdang ongko subject nung mentalsa agia ta angashi. Ibaji komasa agiar kü dang khar shiang.
Alok    :          Süra ni asem asüngdangdi nai langzüang
1.               Süngdong ka nung waro ter tema lia shikarir kadi ka tom ta kazüka yuok, süra süngdong nungji waro kwi tema alitsü?
Ans    :     0
2.       Menden talang ka nung Congress MLA 8 sema menteter, parnok ajak kenü yongi NPF nung oa züklok süra NPF nütsüng kwi renlok?
Ans    :     8
3.               Azü 2, Ak 2, An 2, Padak 2 aser sorak 2, ajak agi tetsüng kwi? aser tenüka kwi?
Ans    :     Memetet
Alok    :     Surak dak tetsüng 8 lir, aser tenüka 8 lir (Tomokok shia tenük ka ka lir) süra nai answer ji metetogo.
Jabaso    :     Tatem nung ka dang asüngdangdi, yasüng kübu tambu Sobangbai ne dang “Sorak lang nung amer atsü ama” ta ashiba tetezü kechi? Kü dang jungjunga rasa-a shiang.
Alok    :          Asen Naga nunger nüchiso küm ka lirbo angutsü ama süli, atsülangli, ano ita ka dang lirbo angutsü ama süli ano taliang atsülangli ta asüba dang Sorak lang nung amer atsü ama ta ajar adi.
Jabaso    :     Oba, kanga pelar, nasa tabensaba.
Lilir : A. Maong Aier, Alongmen Ward Mkg.