Alokba o Rajemnüsang otsü atonger

Rajemnüsang : Tinu, aon nung metsü meinoki sora telaset maliba amai na nungi shisa magira taküm ya pela jangratema malir asüba agi khen arudanger ako.
Alokba : Shitakato, shisa akayonga tasüngdanger melira amajok nung koda. Na kechi atema aru ?
Rajemnüsang : Tinu, yashi-to ni ozü yimer ka asüba funeral nung adentsü aoba khena shilem agirtem ajaki awashi meteta mapang tamshishia jembiba ajanga anepdang 8 ako nung tenzükba nikongdang 3 ako nung tembangtet. Iba funeral service nung jembidang par kinunger rongnung nisung kati tasüsang dangji “nai Kodak nung tua kimung tajungtiba ka mesema liang” ta ashi, anungji ni aji angashir kangasa ajep ati.
Alokba : Tinu, iba olenji angashir na kechiba yamaji ajep ?
Rajemnüsang : Tinu, ni ajepbaji alima nung yakta asürtem yagi Kodak nungji kimung tajungbo ajunga makamar alitsüji alima nung arishi talangka alirtem yabo tia maka-a ta nemjeseta ajepa ati.
Alokba : Tinu, nai junga mangashi dangashi par kinungersang toagi `kimung` ta masü `mimong` mesema liang ta ashi asütsü ati. Ni ajitetba agibo tasüsangto mimong ang angutsü mesüker asü ako.
Rajemnüsang : Tinu, na ya shisabo kar aja…
                                                                                                    Lilir : E-mail