Alokba O Shisakaba na lokti nung Finance Secretary inyakba lemsateper

Shisakaba : Temba, nabo lokti ajak nung finance secretary dang inyakba ya kanga belemseta alitsüa na ?
Alokba : Haito, kodaser mebelemtsüba, aiben asen indang sen timba indoktsüsa akümer nung koda?
Shisakaba : Temba, Na-a khen khenbo President mesüra G/Secretary amala yaa inyakang kodo, ibaji tenüng tajungba ato, Fin/Secy yabo nüngsena kanga angur nung koda.
Alokba : Haito, nüngsenjibo lir ati. Temba naa tamalen F/S khenbo inyaker süti ato aser kechiba yamato kanga kara term madongdang toktsü ?
Shisakaba : Ni idangto tekolok ajak raksadar asünung koda, ibajagi yakta toktsü ati.
Alokba : Kechi koma ka nung tekolokji raksatsüsa aküm ta ?
Shisakaba : Aya, kechi nung asütsüaka Cash Memo yangludang ati, Cash Memo nung seal ajenoka maliba ni teimba zülutsüsa akümer, dokan nung oset alidanga taliba tang nungi tera talila züludaktsütsüla akümer, loktii gari hire asüba kiburi meshiba dang nungi tera talila zülua inoktsüla, ano lokti nüngdak aodangbo anogoshia lokti sen agi asen oset kabosa alitsüla, ano meindokba-a karbo zülutsüla ta asüdang nibo sentsü nung anenato ato.
Alokba : Oh, Shisakaba…

Lilir : e-mail