Alokba o Sobangba na tar talangba metetnüa jembiteper

Sobang : Temba Alok, tanepbo ni kangadang süka aitba agi Himalaya tenemtsüng nung nokdaker minute ka shi anü awangerba, teberem agi kanga dang shia aitji tesem ka nung ken danga mendi ta sür amen nung Mount Everest tenem kolak nungang amen asü adi. Naia ni mena aliba ya ngudar ma?
Alok : Nia tanepbo na amaji teberem süteter sakji tanü anogo piyong apuzüa kazü. Tang tashi apudaka tang lir. Na mena alibaji nia ngudargo. Naibo anüng talakjia atongtsü meranga nokdaker yangji ne teka agi mashidangra sü sepra seprar ka pudaka ali ama oner oli aruli ta apshishitsü. Nai mulungra inyakdangang.
Sobang : Hao, nai ashi ama sü sepra seprar ka pudaka ali ama oner oli aruli ta apshidagi.
Alok : Aji kü langtem apshishirba ako
Sobang : Oh! Alok

Lilir: A. Maong Aier, Alongmen Ward, Mkg