ALOKBA O TETSÜ NA TEBU SÜR KÜLEN SENSAKSEMA KAZÜR

Alok    :     Oja, kübu o Sobangba tebu nunger ya zünga ka dang ati na?
Tetsü    :    Haito, parnok zünga-a ka dang aser lanuwa nungi külemi dang zünga intet ati
Alok    :    Oja, saka kübubo Officer liasüa to na? aser Sobangba tebu Office Sweeper dang liasüa to.
Tetsü    :    Haujai, süra nai kechi shinerba aji?
Alok    :    Süra Oja, kechiba kübo asüdangtubo par züngar shingaia tepila o-a mejembi aser naroa magütsü? Saka Sobangba tebu asüdangbo par züngar züngatsür ajaki nokdaka atar naro-a agütsü aser tepila o-a jembi?
Tetsü    :     Aya! kü jabaso Alokba, nübu küna taküm tajung alidang nüdi o nüyi nenok dang meranga azüngtsü aser nisungji kaka akümtsü sayutsüngi, saka nenoki manga yilar, mozülar aküm. Nüyi Watsüla-a school züngang sür yoknung tebu mali chir-ang ka bener aru. Nüdi nena ka yilar, ka miim mozülar kümer kazür. Saka ajiang Sobangba nunger pa department tulu nung Gazeetted Officer, Teyi Narola Engineer tebutsü, tenu talakba Doctor, anungji akhüm to tebu nem masü par chirnurtem nem agütsürbaja ato, Nübu künati nenok yasür jeber nüktzü malu sasatsüakoti, tasa ashiba to tang ataloker ati!
Alok    :     Aya! Oja, kangasa sasa bilemera nih!, Oja ni tang nungi danga na mejashidaktsütsü merangdi.
Tetsü    :     Kü jabaso, Waro or tembang tekoshima.
Lilir : I.Lkr