Alokba para kidang aliba atema sasaseta sarasademer

Oba Tsüngrem, Ni Alokba tanep-a nü dang kü nüngdak kar shidi ta asürako ya!
Oba, oda ozü ki maliba agi para kidang alitsüsa akümer, onoka yimdakbo alu kimong aika lir, aji mashiyonga nai meteta aser ngua lir.
Dimapur nunga ali alia lir, saka tanur school atema timtem asüba agi oda para kidang tanur lenji oa alitsüsa akümer, ozü ki kibur ya tamasa kidang alitsü asüngdangi aodangbo, tangar talir mali asüji, tzüa peria 24 hours agütsür, aser facilities ajak lir ta ashibato lia odar nungibo, tanem tanemi par colour to meteta akümer, aiben ki belentsü masü agi aremzüka alir.
Kibong tulu, light bill-a onoki dang agütsür nung anogo nung tzü 15-20 minutes dang agütsür, kidangi kisemer arudang tsübuseter, kechiaser kisemertemi bathroomi aoer, karbo awashi memetet, latrine-a aoer, anungji idangji kanga shisabulur.
Oba ! naibo ajak takoktsü, anungji, onok para nung alir ya ki kibur ya khen südangdakjang, aser onok ya par khen südangdi, oda asangsang nung masüyonga, pungmang nung tanga parji khenbosa ni ashiba ama inyakjangma, yamaji sür mangatetra ni tenüng tena Newspaper nung agütsüdi.
Tsüngrembo metet, saka nisungbo memetet ta asüba kibur ya ngur temeimtsüka bilemer. Saka oba, ni mashidang nai meteta lirji na ajungba ka inyakangma. Amen.

Lilir : email