Alokba Pongmang ya shiba ola?

Alokba : Hi! Arem min tanak ni yasüng pongmang kanga majunga aser aji ozü meimchir dang ashi nungbo onok dak ataloka lir ta sür ne dang shiokatoktsütsü ni arua lir. Pongmang nungji ni mozüki takdang tulukati ai, aser idakji ajidang nung ozü tsüraburtem, ozü tedi nungertem aser kü den jakrep, ano kenü nungertem ano ozü chirtem, aser ano onok semchirtem ta liasü. Parnok ajak tashidak kasa kati dang shiranger aser parnok ajunga nem azü agütsür saka kasa dang kongrar. Ano mozüa tapu aika agütsüdanger saka kecha tanüpba makümer. Tasüa masür ta pongmangogo naaaaa….

Ola ka : Hai!!! Alokba! Na kechiba yamaji süngmanger? Ne pongmang atalokatokogo! Ni ratettsüdi, ena! Mozüki takdang tetezü ner Naga lima lir, ne tsürabur tetezü nenok Arogo, nedi nunger tetezü nenok sorkar, ne den jakrep tetezü ner linük tenzükertem, nenu nunger tetezü ner yimten yimsüsürtem aser ner chirtem tetezü lokti tentet ajunga, ano ner semchirtem tetezü ner lima kaketshirtem lir. Item ner nebur ajak tashidak kati dang shirangba ya naibo memeteter no(?) Iba tashidakjibo azü o mozü kisüngi maneptsü, saka mozü ka lir aji bushiang!!

Alokba : Ya shiba ola????
Lilir : I. Kilang Ajem, Indisen, Dimapur.