Alokba taneptsü bushia nemzür

Alokba        :     Hai! Adianu, ni mapang talangka tashidak kecha meputet timtema yareta dang alir, anungji nai yaritsü akok asü?

Teyarir        :     Ne tenüng shiba, kechi inyaker? Aser ner House No. kwi, ano gari number-a kwi?

Alokba        :     Kü tenüngbo ajaki meteta lir ‘Alokba’, ozü H/No. 66, Ni sorkar mapa inyaka liasüba tangbo Pension nguogo aser ozü Gari No. Nagaland Number 1234, ni ya-a tabo aibelen kecha mali aser chidiyungtia masü sür nung…

Teyarir        :     Ata liang!.. na kecha aibelen meliaka ne tashidak anepnüra shitak langzüangno :

1. Ne tenüng shidakba ka lir saka na tashir kümnüdang tangar certificate amshi!
2. Na tang aliba kiji ner ki, ner lima masü saka sorkar ki aser sorkar lima, nai rakzükba lir, ner H/No. ji sorkar number lir.
3. Aser na tang tamshitak garijia NL-10 sorkar gari lir, na pension yakta nguadoker sür nung nai sorkar nem meyipa magütsü nung koda? Aji shidak asü masü?

Alokba        :     Kanga shidaka!!!!

Teyarir        :     Item tai jagi na alener timtema kangshir, anungji ne teinyaktsü yakta inyakatokang.

Lilir : I. Kilang Ajem, , Indisen, Dimapur.