Alokba tsüraburi pa tenüng jasatsüba agi tawaktsü atua nemnemer

Alokba     :     Aeeeshhha, salllaaa.
Sobangba     :     Areee kabo Alok, ya kechi yamai jashirba, langka atalok asü?
Alokba     :     Umm, ni kütsü o kübo na dang jashirba aja!
Sobangba     :     Wa, kechiba iba tashiji jashirba, nü tsürabur süadoker joko küm paikati süiadoker nung tang kechiata asürba?
Alokba     :    Tanga masü, kü tenüng jasatsüba ya koda, tenüng tajung ka jatsü asü küla nia yamai ala ashia melilaneii.
Sobangba     :     Aji küla junga alitsü malitsüji pei tia dak aket ashi tenüng dak kechi tongloktsürba?
Alokba     :     Sürabangla naia shisadangangma, asen Aor rongnunga Sir Talitemjen, Sir Alemtemshi nunger rogo ya koda, tsüraburi tenüng tajung jatsüyong Nagaland nung tulutiba menden atong südito?
Sobangba     :     Aji küla parnoki meranga azüngba den Tsüngrem leniba adenba agi yamaji moatsü ashi tenüng dak jalokba kecha melika ako.
Alokba     :     Nai mangateterar aji kabo.
Sobangba     :    Masüaja, ya tenüng dak jaloker asü küla yimer yimkong pok ayimba naroka aja sürnung tang süoktsü jangpong nung jang mait, ano moya supong ajiba konang jaloka jar tang hajira tanir mali, yamala tiajia lirsüng.
Alokba     :     Aji küla tsüraburi Laishiba nungi agiteta, Matiba, Mosaba ta, ano Sarala, item tenüng tajungtemji jatsü sürnung pei taküm kuli tajung mesayutetba-a lirjai.
Sobangba     :     Oh Alokba, ajak metetsang!
Lili : SMS