Alokbai aibelena sarasadem

Jala : Oba naa tanü sentep nung tu kechiba Pastor-bai tesenshi sarasadem agütsü sernung yiar amai sentep tenzüka temoatsü meshia sarasadem ? Nibo tangar tang kanga-sa aaksetogo noo…
Alokba : Waamaaa… na ya kechi jembir akaa… obala nunger amai tashitemeteter kaji teti khuret aser tebilemtsü aika agi sünger dang alir… Oda tanü sentep asoshiji tang bilemer masü ano taruba Deobar sentep asoshi-a bilemer nung koda… Aji agi taruba Deobar sentep atema-a jilia temoatsü meshia sarasadema ataba dang ajaa… Lung ka agi ozü ana onzük ta asüba tu obalai shidak inyakogo haa…haa…haa..
Kinüngtsü : Heee…taii… yiar tamaji… nebuji sentep ki tongli-i menden nung mener ayip-janga mejangbaji sentep tepiyong teni konga metsü yanga mejangerji, pai mangpo-manglema taoksa-kang nung tangarbo tesenshir sernung, pabo idangji-ang sentep tenzüker-a ta aoksaa nokdaker sarasademba a-süng… Parnok tashitemeteter-ji teti asenok yamai-sa maak-asütsuü adii…
Lilir : L. Kika Pongener, Aoyimkum,Dimapur