Alokbai pa tebu dang Laishiba aser shin o nungi question ka-ka asüngdanger

Alok : Temeim Oba Mathi 7:7 nung meshiang aser aji nenok nem agütsütsü, bushiang aser aji nenok angutsü, akoshiang aji nenok nem lapoktsütsü, ta shia lir. Saka ni Tsüngrem dang aiür ka meshia sarasademer, saka magütsür. Ni maneni bushir, saka mangur. La takdang nung alidang ni teti akoshir saka lai kodanga kishiji melapoker nung koda?
Tebu : Shibai ochi agi sarasademer pa dang Tsüngremi langzütsü. Saka nai tamatazütsü agi dang sarasademer aser ano na soru tamajungji shiangia ne ki-i marutsü nung koda?
Alok : Süra lai nung aliba orenji tai adi. Nai shibai hesap nungjibo soru tajunger shibai ochi agi sarasamdemdir, pa nem agütsütsü, angutsü aser lapoktsütsü, ta ang lai nung orenji alitsüla adi. Ano ka asüngdangdi “anema alibaji rongsen” ta shin o nung shia lir. Ni teti anema dang alir. Saka kü ket nung naya kada maka, ano taonung sorotsü jang jangkhu ka tanga maka. Süra iba shin o ya-a tai ado?
Tebu : Anema aliba den meranga inyak nungdang rongsenji angutsü. Saka na azümesen kecha meinyaker nung koda?
Alok: Süra iba shin o nung ya-a anema aliba den meranga inyakra rongsen ta asü nung ang shidaka no.
Tebu: Oh! kü jabaso Alok, Ne den kechi anga mejembika, Hum!!!

Lilir : A. Maong Aier
Alongmen ward, Mokokchung