Alokbai par arogo nung tiyazü olulu metongshitsür

Tembar : Temba Alok, ner arogo nungbo toklang tenzüker kata tim tesü agi sodi meshia maoer aser farewell magütsüi jashia dang yoker ta angashir to ya koda asü?
Alokba : Arogoi nisung tasen-tasen aika arur aser parnoki otsü osang ajak ya ka nungi ka, tangar ka nungi ka, ta angashiba ajak jembiba jagi teimba ka tiyazü dang asür aser angashirtem jagia angu amai dang jembiba jagi majunger adi. Ozü arogo tenzüker joko küm 50 Jubilee jungdi ta asür, saka tang tashi nung arogo tezülur ka aser sannüker ka dang pei sasa khu renemer ao ta dang ashi; parnok toklang tenzükertem kar majung yonga arogoibo tanga tanüngba ajak nem farewell tajung agütsüogo.
Tembar : Ano pastor ka dangbo na shiranga dang alirji sodi meshiang ta nenok tenzükeri ashia taa angazük ato ajia koda?
Temba : Hau, angajemoko. Ano tejenpur ajak den tatok meshitepba sarasadembo agiogo taa to na?
Alokba : Hau parnok tejen tasen pur den yamaji agiogo. Saka tasen pur arua parnok o parnok na tsüngda meputepba ajanga arogo kanga shisabuludar. Parnokiang onok putepa liang ta ajungshitsü melena; onok arogopur temiang nenok putepa liang, takar sensaker tependang, ajak kidangi sarasademi oang, tamangertem majungba aser tashi maitbatem kibok kibok nung jembia tesenzü onoki ajak angashidar ta toklang tenzükertem ajungshir adi. Parnok o parnok na meputepi arishitep dang arogo nung telok ana asem telemsa adokdaktsür aser alima tsüngdangbo arogo majung dang kümdaktsür. Tarutsü arogo tebilemtsü tulu lir ta ajiteter.
Tembar : Oh!! Alokba…. !!!
Lilir : SMS.