Alokbai Tsüngrem anema nemnema sarasademer

Alokba : Oh Tsüngrem nai ozü kibong dak yamai kangasa mesakloktsüsa ozü kibongi-a na anema kechi tai inyak akaa??? Tanü tashibo ozü kibong teti sentepi aoer, tershilem, temoatsü aser tepela tenla shidak agutsüdar… saka nai yamai mekütmeseni benshitsüsa ozü kibongi kechi aibelen ???
Tsüngrem : Hai Alokba na kechiba Ni anema yamai tawaktsü atua jashia sarasademer… Ni nai inyakba mapatem tatongi zünga shiti, nai tenok-tenoka angaa liang noo…
No.1. – Na ano arishi küm-45 dang sernung nai küm-65 jungogo ta sür old age pension achir, iba jagi na anojungi leni-maor haji-hakok kümer ajok ammer dang senzüteter, tenük agi mangur aser tebo ajak remzüka tsüker tobur tamajung küma-adok….
No.2. – Ne kinungtsü kodanga meshirang sernung nai la tenüng nung medical re-imbursement lakh-sa lakh agizüka agiba agi ne kinungtsü nu-menden nung cancer tashidak keter India lima talangi hospital-i opet aotsüsa akümer, saka tashidakbo maneper…
No.3. – Ner jabaso-jala ajunga tenük-telen shitak dang lir sernung tenük-telen mabensa lemtamara-a tasür relief lakh aika agizüka agiba agi jabaso tambusang gari accident nung tetsüng kosüker tsüngtsüker aküm, tanübosang tenük yirur nükpoker aküm, jala ka tang aliba teberem kosüker arishi tepiyong yipden nung mejanger mesütsüsa küma-adok…..
Anungji oda Tsüngrem anema menemnem-i lumia sarasadema tai tatok nangzükangma…

Lilir : L. Kika Pongener, Aoyimküm, Dimapur.