Alokbar jabasoi tebu dang Laishiba nung aliba mangatetba kar asüngdanger

Jabaso     :     Oba, Noa’er rong nung temeshiba shiruru jura tenetnet aser memeshiba shiruru jura tenetnet inok, ta asüba tetezü ya kechi aka?
Alokba     :     Temeshi aser memeshi ajak nungi jura tenetnet tashi inokba lir. Tetezu, yakta renloka aotsü atema. Ano kar süadok nunga tanüngba nung jagi yakta renloka aotsü tebilemba sülaba.
Jabaso     :     Alima nung tar talangtiba shiruru, Giraffe jura tenet jia rong nung koda inok?
Alokba     :     Laishiba nung Tsüngrem oji kanga tang tatsüba agi zülu. Anungji asenoki rajemtsüba dang. Na kangabo tesüngmang. Giraffe-ji techanu dang jura tenetji inok sülaba.
Jabaso     :     Sürapangla kechiba laishiba nung Noa kinüngtsü tenüngbo mezülu?
Alokba     :     Asen lipok ostü nunga  soyabokya aoba tebu tarensen nung tebur tenüngtem dang zülu nung koda.
Jabaso     :     Süra tatem nung ka dang asüngdangdi. Noa kinüngtsü tenüngbo mezülu süra kechiba Abraham kinüngtsü tenüngbo ana tashi zülu?
Alokba     :     Abraham kinüngtsü tenüng Sara ta ka dang zülua lirado.
Jabaso     :     Laishiba nung Sara ta dang zülua lir sernung karibo Remshi taka jembir masü na?
Alokba     :     Ni mezüng ashi ama, Lai o ji  kanga dang tarok aser tatsüba agi züluba yong la tenüngji tesadang ka dang “Sara” ta zülu. Nai metetnüra la tenüng  ajungabo Sara Remshi, mesüra Remshi Sara adi. Tetezü, kodang saradir remshir aser kodang remshidir sarar. Iba jagi Abraham kinüngtsü tenüngbo jangja jangja zülu adi.
Jabaso     :     Oba na ya shisa taka Alokba sa ako!!!!.
Lilir : A.Maong Aier, Alongmen ward, Mkg