Alokbar kibong nung sensaksemer

Jala : Kübu tambu sobangba nena kechiba Dec. 22, 2014 nü tu New Year ta shia salemtep?
Alok : Nebu tambu küna iba küm iba anogo nung tu mezüng ajuruteper asüba agi New Year ta shia salemtep adi. Angatetter südi?
Jala : Angatetogo. Nena ya politics nung ajungyonga nübur karibo dena ya matu ta-sa jembitsü ako.
Jabaso : Süngdong nungi tsüker, tzü agi ponger ao ta jembiba aser ano aonpu nungi kenteter mimongi ai ama, ta nüburtemi jembitepba ya kechi tetezü?
Alok : HIV/AIDS menar kanga shiranga alidang ano tepokpok nung cancer tashidak atemba dang yamajisa jembir adi.
Kinüngtsü : Imkongliba Memorial District Hospital (IMDH) kanga dang standard süa melenshiogo ta angashi atu.
Alok : Kechi kümaka standard melenshi aka?
Kinüngtsü : Metsümeshiba ki kanga dang junga yanglurji latrinei ken ao nung sen 10, aser ano natzü- nai ao nung sen Rs. 5/- agi ta angashir atu.
Alok : Standardji ajia. Ashiko sangküm nungibo government- asüba ki aser yipden ajak nungji anogo shia ta-a sen 150 tashi agitsü akok ako.
Jala : Mozü ki nung mozü mangur ser nung kechiba mozü ki ta ajar?
Alok : Asenok mozü ki nung shiranger amongdang anogo shia pharmacy nung mozü alia bener oa yangji bendena yur chia ajemba agi mozü ki ta ajar ati.
                                              Lilir : A. Maong Aier, Alongmen Ward, Mokokchung.