Alokbar kidangi par medemer ka kisemi Arur

Tembar : Clinton-Clinton, Ohoi!! Alok, tangarbo atsü gate nung taidang “Push” ta zülua lir, saka nerbo BUSH ta ang zülua lir. Ano taodang PULL ta zülua lir. Saka nerbo OBAMA ta ang lir. Ano ni gate lapok nung tsüngtsüng olaji tingkling-tingkling ta mesüi Clinton-clinton ta ang asa. Kechiba nerbo US President tenüng ang ana zülua ayu aser ano tsüngtsüngolajia angadangra US President tenüngsa ka adoker. Na ya kechi tetezüar kü danga tatongi rasa-a shiangjong.
Alokba : Hum!! Ozü gate nung zülua alibaji asen Ao oshi tasen kar puralokerba dang ako. Nai metetnera ni shidi jung junga anga-a liang. Taidang BUSH ta aliba tetezüji medemertemi ni bushia aruba, taodang OBAMA ta aliba tetezü kü den ken mendepa kazür omadoker. Tsüngtsüng ola Clinton-clinton ta asübajibo ola agi ojang.
Tembar : Na purabuji ajak ni angatetogo. Tanü tebu temeim sentep lir, saka ni yimra agi kanga sashia atongba agi moutet. Na-a sentepi moui dang lir ta angashia ne den sensaksemtsüba aru. Na-a kechiba sentepi mao?
Alokba : Tanep paper nung tia (horoscope) reprangdang nung tanübo kechaia moui chi dang chiyunga kazüang ta shia aliba agi ni chi dang chiyunga amener adi.
Temba : Süra na kechiba cup nungang chiyunger?
Alokba : E-eh!!! Odang liang. Ni shidi. Yashi kübutsüi kü dang na auso matsüngdang maker, chi chiyunga kazütsüba ta ashiba agi tanepbo chi asemben chiyunger, pezübenbuba chiyungdangbo nia auso matsüngdang a-aka bilemba agi cup nung dang chunger adi….
Maneni asüng adok nung …
                                                                   Lilir : A. Maong Aier, Alongmen Ward, Mokokchung