Alokbar yimer kaketnang ki ka meshiteta lapokba Sentong nung pai tepela o jembir

(Tepela o Alokba (7 minutes)

Tanü iba senden madem tashi akhümtsübua aliba mendenbuba aser sentepa alirtem, aser ano küm pongu asoshi akhümtsübua aliba MLA Sobang. Ni ama ka nem iba sentong nung tepela o jembitsü maongka agütsü nung kanga dang pelashishia nokdaker.
Tepela oji jembir mejembima aser zünger mezüngma aika dang lir. Saka ni kanga tongtipang dang kar shidi. Asen yimer ajak temeim ulura, kin kidong ajaki tambu merakteper aser ano yimkümera merakteper. Ya asoshi kanga dang peladi. Ano asen yimdak nungi anarongdena opposition MLA Sobangba adoka aliba ajanga iba ki ya yanglutet. Ano aji dang masü pa taoba küm election sentsüh tesadang ka dang aoa yutsür Dimapur aser Mokokchung nung RCC ki ka ka yangluteter, ano maneni town nungi asen yim tashi gari tilabo senzütettsüsa lenmang yanglutsüba asoshi asenok ajaki pa dang pelatsü tim ako.
Nia asen yimer kanga dang meimer. Anungji yimden nem sen lakh asem, Arogo nem lakh asem, Arogotsür nem lakh asem, CYE nem lakh asem aser ano asen yimdak asaya moapu tuluba aser tajungba yanglushitsü atema sen lakh ter agütsüner. Saka ni work charge ang inyaker asü nung, ozü kibonga tebok masünger. Anungji ni zünga ashibatemji magütsüteter. Anungji nenoki kü dang tejashima. kü tepela o-a yangji dang atemer. Kanga pelar.

Lilir : A. Maong Aier, Alongmen ward, Mkg.