Alokmetsü madoki aketba yariyim

Aketba ajanga asenok kanga animesüngzükdaktsür. Alokmetsü adoka mesüra madoki aketba ajak agi nisung kanga timtemdaktsür.
Alokmetsü madoki aketba ya tango sashidang auyi tali saketa trok nung lua onshiba ajanga aketnütsü atudaktsür.
Iba aketba mapang trok nung langka lir amai bilemtsü saka kanga aketaka kecha madoktsü.
Alokmetsü madoki aketdang kidang anepaluyim kar teküpoklen agütsür:-
1. Metsü tzü talem agi trok letdokba (Gargle) : Trok shia aketba mapang asenok ajaki metsü tzü talem agi trok letdoka shidoker. Iba ya ajanga aketba anisüngzükdaktsür. Metsü tzü agi trok aletba sülen trok anüka aser tayi amai lidaktsüba ajanga trok asepba dena jungdaktsür.
2. Ninang mojitzü (Honey): Aketba nung yaritsü asoshi ninang mojitsü ya tanur aser tain ajak asoshi kanga junger. Ajisüaka tanur arishi küm 2 teküpok nembo ninang mojitsü magütsütsüla kechiba süra iba yagi parnok “food poison” südaktsür.
Ninang mojitzü agi shia aliba anendaktsür aser alok metsü endoka trok nung anisüngzük agütsür. Aketdang ninang mojitzü tera mamatzü mesüra tzü talem nung meyokteper ajemba agi trok anisüngzükdaktsür.
3. Süngmok (Ginger): Süngmok ya aket jungdaktsür tajungtiba rongnung ka lir. Süngmok nung tashi keta aliba ajanga trok sepa aketba nung teyari tajung agütsür. Süngmok tera lensar tzü marok ka nung jaa molur khen mokonga yur anogo nung asemben ajemba ajanga aketdang trok nung timtem agütsüba süngjemdaktsür.
4. Haldi (Turmeric): Haldi yagi aket jungdaktsüba nung yarir. Iba yagi aketba aser yimra anepdaktsür. Haldi nung süngmok amai tashi keta lir. Tzü taja marok ka nung haldi spoon ka den ‘black pepper’ enoka aiteper tzü marokji marok tom ka küma molutsüla. Yamaji molur külen ninang mochitsüa tera enoker ajemba ajanga aketba nung teyari agütsütsü. Yamaji molubaji anogo nung asemben ajemba ajanga aketba tekaraba ajungtsü.
5. Lason (Garlic): Lason yaa aketba jungdaktsür tajung rongnung ka lir. Lason nung tezüknem tesashi (allicin) keta aliba ajanga mesen nokdanger. Aji dang masü saka allicin yagi temang nung tashidak den raraba mesena tashi itdaktsür.
Tzü marok ka nung lason ana mesüra asem sateta enoker jaa moluba nung ‘oregano’ sensar ayuba spoon ka den ninang mochitsü tera enoka meyokteper mokonga yur ajemba ajanga aketba jungdaktsütsü.
(Source – Internet)