Alongmen Ward Task Force Covid-19-i mapa tajung inyaker

Mokokchung, April 4 (TYO): April 3 nü Alongmen Ward Task Force Covid-19 ajanga tsümar ILP kaket shitak makai jajartem; Mr. Guarav Nag S/o Tutan V/o Doomdooma Dist-Tinsukia, Mr. Hari Chanran Das S/o Ram Mohan Das V/o Dhela Mara Gaon Dist-Sonitpur aser Mr. Manoj Guala S/o Lakhan Guala V/o Gala Bokori Dist-Tinsukia, par asem putetba indang Alongmen Ward Chairman, Rongsentemsu-i Mokokchung PS-I nung tezüluba ka agütsü, idangjisa police-i item nisungtemji Non-FIR Case kübok Court-i tim mapa inyaktsü yokogo, ta Mokokchung Police osang ka ajanga metetdaktsü.
ILP nung aibelener par asem ya March ita tiyong ka nung Mokokchungi aru, parnok Mokokchungi arur külen anogo 14 jungogo aser parnok dak Covid-19 agi shirangba temulung melemtettsüsa saki/kuli kecha mangur, ta police osang ajangasa metetdaktsü.
March 23 nungi tenzüka Mokokchung police-i tongtibangsa tanga state nungi Mokokchungi aruba tesem ajak nung tenük yoka kanga junga meitdaki. Talisa Assam artsü anasa Tsutapela check gate, Aosenden yim, Saring yim, Tsuremen yim, Watiyongpang check gate aser Anaki Yimsen item nungji police yoka tim mapatem inyakdaki, ta police ketdangsür kati osangbenertem den jembidang metetdaktsü.