Aluruba ozüng

Saka, shibai kurua prokdir pai kurua arutsü, aser shibai jenti prokdir pai jenti arutsü. 2 Kor. 9:6
Tentetta akaba ozüng ama Tsüngremi inyaker. Item rongnung kaji prokba aser aruba: Aluyimer shibai metsü tera dang, pai ishika dang arutsü, saka pai aika prokra, pai aika arutsü. (2 Kor. 9:6).
Nisung kati teti shishia bilema alibaji pa yangku nung sema alibaji lir! Sen jagi mapang, tekümzükdak, aser meranga inyakba akanger; anungji kodang Tsüngremi asenok dang itemji kar proktsü jembir, asenoki ashishir, kechiaser asenoki terabo agütsür. Saka Tsüngremi ne dang timba proktsü jembira, ibaji Pa mulung nung timba arutsü bilemba lir.
Tsüngremi tanü ne dang timba proktsü shira, iba tetezü nai timba arutsü mulungtsü pai mulunger aser nai iba tamang meraji magi tashi na tang aliba jenjang nungi mepilatsü. Nai ashitsüa kar, “Kenü, kodang mapatemji tajungba kümdar, ni ibaji merangtsü.” Aji saka ne metsüji ne aluruba kikümbang asünung, iba anogoji kodanga marutsü akok. Ken züluri ashir, “Tanü kü meyong, asüng marutsüa kar.” Tsüngremi Malaki nung ashir, “Tang ni tendangang.” (Mal. 3:10), aser pai tanü kasaji ne dang ashir. Tsüngremi kechi inyaker nai metetnera, Pai inyaktsü asoshi Pa nem langka agüjang. Aser metsüjang shia jagi aluruba ka kadaktsür ta bilemtetang, saka ibaji ne taküm dangi atsüa arutsü asoshi ne tamangji tatsübaji lir.
Tanü Tsüngremi ne den agütsüba indang jembiner – nai angadar ma ?