Aluyimba nung tanü puto indang technology tali amshitsüla: PM Modi

New Delhi, March 19, 2016: Honibarnü New Delhi nung Ato kilonser, Narendra Modi-i ‘Krishi Unnati Mela’ sentong nung awards lemtsüba noksa nung angur. Noksa nungsa  Agriculture & Farmers Welfare Union Minister, Radha Mohan Singh, Meghalaya Chief Minister, Dr. Mukul Sangma aser Minister of State for Agriculture & Farmers Welfare, Mohanbhai Kalyanjibhai Kundariya nungera angur.

New Delhi, March 19 (Agencies): Honibarnü Ato kilonser, Narendra Modi-i, ‘aluyimba yimya tanü puto den medema melenshitsüla aser technology tali amshitsüji tongtibang,” ta ashi.
Tanü Delhi nung anogo asemnü ‘Krishi Unnati Mela’ tenzüktsüba sentong nung  jembidang Modi-i, “India melenshitsüji yimtsüngtem nungi aluyimertem ajanga melenshitsü,” ta ashi.
“Mezüng green revolution ji tzü supply junga aliba tesemtem nung adok, saka tanabuba green revolution jibo technology aser modernization ajanga dang adoktsü,” ta Ato kilonseri metetdaktsü.
Ato kilonser Modi-i ashiba agi, mezüng green revolution ji linük nung anüdoklen aser north tsütsülen tiyongtsü ser adok saka tanabuba green revolution jibo India anüdoklen tsütsü nungi adoktsüla.
“Taküm küm budget nisung aikati kanga junga agizüker kechiyong iba budget ya sensakertem, yimtsüngtem aser aluyimertem atema lir,” ta pai ashi.
‘Krishi Unnati Mela’ ya aluyimba tsütsü scheme tasentem aser technology indang metetdaktsü atema ayongzükba sentong lir, koba ajanga taruba küm ishika tsüngda aluyimertem anasü agi tali sen ajangzüktsü.
March 19 nü nungi March 21 tashi ayongzükba sentong nung Pradhan Mantri Fasal Beema Yojana, e-agriculture marketing, integrated farming system, Pradhan Mantri Krishi Sichai Yojan, ali aser kiset shirurutem ama tongtibang scheme tem nung workshop balala akatsü.
Iba dak alia aluyimba, horticulture, animal husbandry, technology aser farm mechanization nung tasa balala sayatsü.