Aluyimertem tebilemtsü asadangtsü atema sorkari survey ka agitsü

New Delhi, February 05 (Agencies): India linük nung aluyimertem tebilemtsü khuret aser timtem balala asadangtsü atema taküm Centre sorkari survey ka agitsü.
Aluyimertem income aser sentsüh densema taküm aluyimba küm (July nungi sangküm June) tashi nung timtem balala asadangtsü asoshi sorkari pan-India survey agitsü, ta sorkari metetdaktsü.
Tanü Lok Sabha nung Minister of State for Agriculture, Gajendra Singh Shekhawat-i, taküm National sample survey 77buba round mapang nung ‘Situation Assessment Survey of Agricultural Households’ survey agitsü, ta metetdaktsü.
“Iba survey nükjidong ya linük nung aluyimer kibongtem tensa asadangtsü atema lir, item rongnung parnok sen aruba, teindokba aser sentsüh densema lir,” ta minister-isa shisem.
Iba ama survey ya 2012-13 (crop year) nung agiba sülenbo magidangi liasü. Iba sülenjibo National Sample Survey Office (NSSO)-i iba ama survey ji magidang.
“Yamaji 2014 küm nungi 2018 küm tashi nung aluyimer kibongtem nung income asadangba osang mali,” ta minister-i metetdaktsü.
Pai ashiba agi, tim ministry-i nüngdak apir iba ama survey agitsü asoshi telemtetba agir.
Paisa, asen linük ya kanga tulu aser iba nungji senotsü den nübo aika densema lir, ibayongji NSSO-i küm pongu shia nungang household consumer expenditure aser employment-unemployment ama tanga surveys ang agir, ta ashi.
2022 küm tashi nungbo aluyimertem income anasü agi timba akumtsü atema tentetba inter-ministerial committee-i base level income atema NSS survey data 70buba round nung agiba agriculture households’ income osang agir, ta paisa metetdaktsü.