Am tesa agi masü

Nisungi am tesa agi masü, saka Tsüngrem bang nungi adokba O shia agi alitsü. Mathi 4:4
Tsüngrem Oji tongtibang tanela chiyongtsü lir. Tsüngremer O jagi asenok taküm nung yimsü südaktsütsüla. Asenok lenitsü aser lemang tuyutsü asoshi asenoki ibai reprangtsü aser bushitsü tenüngdaktsü. Anogo shia iba nung tashi angatsüla. Mapang ajak nung asenok mulungjang Tsüngrem O agi sünga alitsü tenüngdaktsü. Shi taküm aliba ji shidakba taküm masü saka tanela takümjjiang shidakba takümji lir ta asenok ajaki angatettsü aser inyaktsü tenüngdaktsü.  Chiyongtsü agi temang taküm mesüba ama, aser taküm ina lidaktsüba ama tanela taküm alitsü aser tashi asoshi chiyongtsü tenüngdaktsü. Shi temang nem chiyongtsü agütsüba jagi tanela taküm nung kecha teyari magütsütsü, kecha tajung meinyaktsü, tanelaji tashi mait aser shisabulua lir. Aji asü nung tanela mesütsübaji tongtibang. Tsüngremer O ji tereprangtsü (form) ana agütsür: Züluba O (logos) aser apuoktsüba O. Züluba oji am aser shiti (letter). Züluba tangatetba makai dang metetra iba jagi tanela südaktsür. Saka o koba Tanela Temeshi-i apuoktsür aser asenok kija taküm tia angatetdaktsür ibaji taküm o lir. Ibai Tsüngrem bang nungi adoker aser asenok tia den jembir. Iba apuoktsü O ya asenok tanela asoshi chiyongtsü lir.
Iba O yagi tashi tanela nung itdaktsütsü akok aser tsükchir mapa angatetta noktaktsü aser takoker ka kümdaktsütsü akok. Yob-i chiyongtsü dang tali Tsüngremer Oji rizünga ayu (Yob 23:12). Yisuia Tsüngrem O agidang tatitangba akokba Laishiba nung asenoki angur.