Amangba nung tepelatsü

“Atangji onok telungjemji Tebu aser Pa Chir Yisu Khrista den lir.” -1 Yh 1:3

Asenok taküm ka asoshi tenük küli ya kanga tongtibang lir. Otsü aika angashir aser azünger saka asenok asoshi jangratemtsü kaji aseni anguba tatalokbajisa lir. Kodang asen tenük kuli lidir iba nungji asenoki asen mulung nung ayur, mamateter, aser otsüji tejangjaba shiteter. Yisu nütsüng 12 rongnung ka, tambur Yohani shiti ka züludang, Yisu indang pa tenük küli tejangja yamai shia züluba angur. “Aser takümji jungkai adok, onoki aji angu aser iba indang kuli asür; aser taküm koba Tebu den liasü aser onok dang jungkai adok, iba teti tatem makaba taküm indang onoki nenok dang sangoktsür” 1 Yh 1:2.
Yisu nütsüngtem tenük külitem ajanga, Khrista dak asen tamang ayutsü nung yarir. Parnok amaji asenoki Pa tenük agi monguaka, asenoki amangogo ta ashiba tamang akatsüla.
Atangji, aseni tanü Yisuji asen tenüki monguaka aseni teti tenük küli angubaji Tsüngrem O ya lir. Asen tenüki azüngba amaji asenoki amangdi.
Sarasadem: Oba Yisu taküm otsü onoki amangtsüsa tenük küli Nü O nung züngtettsüsa toktsüba asoshi Nü dang pelar. Amen.