Amarnath tamang aini aor 4 asü; asür 22 jungogo

Srinagar, July 18 (Agencies): South Kashmir Himalaya nung aliba metre 3,880 nung aliba Amarnath-i aoba lenmang nung temelungjang tashitak atua tamang aini aor nisung pezü süogo, aser ibaji densemabo tamang aini aor ajak agi nisung 22 tashi süogo, ta tanü ketdangsertemi ashi.
Delhi nung alir arishi küm 47 Satpal Gogyal temelungjang tashitak atua yasüng Anantnag district nung kilometer 45 Pahalgam-cave lenmang nung Panjtarni tesem nung asü, ta ketdangsertemi ashi.
Ano Punjab nungi arishi küm 29 Amandeep-a temelungjang tashitak atua temeshi Amarnath cave anasa süogo.
Maneni Manipur nungi arishi küm 60 tain Ram Autar temelungjang tashitak atua Panjtarni camp nung asü aser Maharashtra nungi Banu Dass-a kasa kuli ajanga Baltal nung süogo, ta parnokisa ashi.
July 2 nü nungi tenzüka temeshi tamang aini aortem jajaba lenmang ana- Baltal aser Pahalgam na nung asür ajak agi nisung 22 jungogo.
Asürtem rongnung CRPF sepai ka densema lir. Tang tashi nung tamang aini aor nisung lakh 2.40-i Amarnath cave nung akhüm agüja külemogo.
Brihostibar aonung nungi tzünglu sashia aruba ajanga Baltal aser Pahalgam lenmang nabong shibanga liasü saka tanep nungi tenzüka tamang aini aortem asoshi lenmang anaprong lapoktsüogo.